ضمانات ايجار سيارة

ضمانات أيجار سيارة

اكيد حد مننا فكر في مشروع ايجار السيارات 

لكن هل فكرة ازاي تضمن حقوقك

النهارد جايبلك خطوات لازم تمشي عليها عشان تضمن حقك والمشروع ميفشلش معاك

1- تركيب جهاز gbs

ايه هو جهاز الـgbs هو عبارة عن جهاز تحديد المواقع 

وبيقدر يقولك عربيتك فين بالظبط 

وكمان بتقدر تسمع الي بيحصل جوه عربيتك (لكن طبعآ هيكون حرام الا للضرورة)

ولو قدر الله وتعرضة العربية للسرقة بتقدر توقفها من الموبايل

دي كلها مميزات جميلة جدآ ولازم تعملها لو نويت تشغل عربيتك

تاني حاجه وهي 

2- الجراج

ليه لازم يكون عندك جراج تركن فيه عربياتك

*عشان تحافظ علي العربية من السرقة لو الشخص الي اجرها عمل نسخة مفتاح عليها 

فاممكن بسهولة جدآ انه يرجع بعد مدة وياخد العربية 

*تاني حاجة انك تحافظ علي العربية من كل العوامل الخارجية وحمايت شكلها الخارجي

لان الشكل الخارجي في العربيات الي بتتاجر مهم جدآ طبعآ ..

تالت حاجه وهي

3- عقد الايجار

عقد الايجار مهم جدآ ليك طبعآ عشان تخلي مسؤوليتك عن اي حاجة يعملها المستاجر

فلو مثلآ عمل بالعربية جنحة انت هتقدر تثبة برائتك بعقد الايجار

رابع حاجة وهي

4- وصل الامانة

ممكن حد يتسائل ويقول ليه وصل الامانة مهم طالما في عقد ايجار؟

الاجابة بكل بساطة ان عقد الايجار مش هيجبلك حقك مع الاشخاص لكن هينفعك مع الدولة

ووصل الامانة لو قدر الله وتعرضت السيارة لاى ضرر بسبب المستاجر انت هتقدر تجيب حقك بواستطه منه شخصيآ

وكل مكاتب الايجار شغالة بالنظام ده

وهسيبلك فيديو بيوضح الكلام ده برضه